ဟီၣ်ခိၣ်ဂီၤ

လံာ်ကဘျံးပၤအံၤဟ့ၣ်ဒုးလဲၤနုာ်နၤဆူ ကညီဂ့ၢ်ဝီခွဲးယာ်ကရူၢ် အဟီၣ်ခိၣ်ဂီၤအဂ့ၢ်လီၤတံၢ်လီၤဆဲးလၢ ကီၢ်ရ့ၣ်တဘ့ၣ်ဘၣ် တဘ့ၣ်စုာ်စုာ် လၢကညီကီၢ်စဲၣ်အပူၤ လၢအဘၣ်တၢ်သူစ့ၢ်ကီးအီၤလၢ ပလံာ်တၢ်ကစီၣ်အပူၤန့ၣ်လီၤ. ဟီၣ်ခိၣ်ဂီၤတဖၣ်အံၤ ဘၣ်တၢ်မၤဂ့ၤထီၣ်မၤထီထီၣ်အီၤ တဘျီဘၣ်တဘျီန့ၣ်လီၤ. ဆီၣ်လီၤကွၢ် ဟီၣ်ခိၣ်ဂီၤအခိၣ်တီလၢဘၣ်တၢ်တိၤဃာ်အီၤဒီး အလွဲၢ်လၢအဖီလာ် ဒ်သိးနကထံၣ်ဘၣ် ဟီၣ်ခိၣ်ဂီၤအဒိၣ်တခါန့ၣ်တက့ၢ်. နကွၢ်တၢ်ဂ့ၢ်တၢ်ကျိၤလီၤတံၢ်လီၤဆဲးလၢ ပဟီၣ် ခိၣ်ဂီၤပူၤဒ်လာ်အံၤအသိးသ့စ့ၢ်ကီးန့ၣ်လီၤ.

KHRG ဟူးဂဲၤဟီၣ်ကဝီၤ

လီၢ်ကဝီၤပာ်ပနီၣ်ကညီကီၢ်စဲၣ်အံၤပၣ်ဃုာ်ဝဲဟီၣ်ကဝီၤသ့ၣ်တဖၣ်ဒ်အမ့ၢ် ကညီကီၢ်စဲၣ်, တနီသရံၣ်ကီၢ်ခီဒိၣ်, တလၢၤကီၢ်စဲၣ်တနီၤ, ဒီးပကိကီၢ်ခီဒိၣ်န့ၣ်လီၤ. ပှၤလၢအအိၣ်ဆိးဖဲကီၢ်ပယီၤမုၢ်ထီၣ်ကလံၤထံးလီၢ်ကဝီၤပာ်ပနီၣ် ကညီကီၢ်စဲၣ်အပူၤတဖၣ် အါတက့ၢ်မ့ၢ်ဝဲကညီကလုာ်ဒူၣ် ဒီးအဝဲသ့ၣ်အါတက့ၢ်န့ၣ်အိၣ်ဝဲဒၣ်လၢခိခိၣ်ကစၢၢ်ကျါ တၢ်လီၢ်သ့ၣ်တဖၣ်န့ၣ်လီၤ. ကလုာ်ဒူၣ်အဂၤဒ်အမ့ၢ်ပယီၤ, ယိၤဒိၣ်, တလၢၤ, ဒီးတီသူတနီၤစ့ၢ်ကီး အိာ်ဆိးဝဲ ဖဲကီၢ်ပယီၤမုၢ်ထီၣ်ကလံၤထံးအပူၤအံၤန့ၣ်လီၤ.

ကညီဂ့ၢ်ဝီခွဲးယာ်ကရူၢ် (KHRG) အံၤဟူးဂဲၤမၤတၢ်လၢဟီၣ်ကဝီၤ (၇) ဘ့ၣ်အပူၤလၢအအိၣ်ဖဲကီၢ်ပယီၤမုၢ်ထီၣ် ကလံၤထံးန့ၣ်လီၤ. ဟီၣ်ကဝီၤ (၇) ဘ့ၣ်အံၤမ့ၢ်ဝဲ ဒူသထူၣ်, တီအူ, ချၢၣ်လွံၢ်ထူၣ်, ဘျံးဒဝဲၢ်, မုၢ်တြီၢ်, ဒူပျာ်ယာ်, ဒီးဖၣ်အၣ် သ့ၣ်တဖၣ်န့ၣ်လီၤ. တၢ်ဂ့ၢ်တၢ်ကျိၤလၢ KHRG ဒိးန့ၢ်ဘၣ်လၢပျီပူၤသ့ၣ်တဖၣ် ဘၣ်တၢ်မၤနီၣ်ဒီးရဲၣ်သဲ ကတီၤအီၤဒိးသန့ၤထီၣ်အသးလၢဟီၣ်ကဝီၤ (၇) ဘ့ၣ်အဖီခိၣ်န့ၣ်လီၤ. ဟီၣ်ကဝီၤသ့ၣ်တဖၣ်အံၤညီနုၢ်န့ၣ် ဘၣ်တၢ်သ့ၣ် ညါအီၤဒ် ‘ကီၢ်ရ့ၣ်’ သ့ၣ်တဖၣ် ဒီးဘၣ်တၢ်သူစ့ၢ်ကီးအီၤလၢကညီဒီကလုာ်စၢဖှိၣ်ကရၢ (ခ့ၣ်အဲၣ်ယူၣ် - KNU) ဒီးလီၢ်ကဝီၤကညီတၢ်ကရၢကရိလၢအဘျးစဲဒီး KNU မ့ၢ်ဂ့ၤတဘျးစဲဘၣ်သ့ၣ်တဖၣ်မ့ၢ်ဂ့ၤန့ၣ်လီၤ. KHRG အတၢ်သူဝဲကီၢ်ရ့ၣ်အမံၤသ့ၣ်တဖၣ်လၢအတၢ်ဃိထံသ့ၣ်ညါအပူၤန့ၣ် တဘျးစဲဝဲဒီးထံရူၢ်ကီၢ်သဲးအတၢ်အိၣ်ဆၢထၢၣ် နီတမံၤဘၣ်. မ့မ့ၢ်တခီအတၢ်သူတၢ်မံၤတၢ်သၣ်သ့ၣ်တဖၣ်အံၤသန့ၤထီၣ်အသးခီဖျိလၢ ပှၤလီၢ်ကဝီၤဖိသ့ၣ်တဖၣ် အါမးအါတက့ၢ်သူဝဲတၢ်လီၢ်တၢ်ကျဲအမံၤအသၣ်သ့ၣ်တဖၣ်အံၤန့ၣ်လီၤ. လၢတၢ်မၤရှဲထီၣ်တၢ်ဂ့ၢ်တၢ်ကျိၤအဂီၢ်, ဘၣ်တၢ်ထၢနုာ်ဃာ်ဝဲကီၢ်ရ့ၣ်သ့ၣ်တဖၣ်အံၤအမံၤတၢ်ကိးလၢ ပယီၤကျိာ် လၢပနိကဝီၤအပူၤန့ၣ်လီၤ. ဒ်လဲၣ်ဂ့ၤဂ့ၤ, တၢ်ကိးသ့ၣ်တဖၣ်အံၤ တမ့ၢ်ဝဲဒ်ကီၢ်ပယီၤပဒိၣ်အတၢ်ပၢတၢ်ပြးတၢ်ပာ်ပနီၣ်တၢ်လီၢ်အမံၤသ့ၣ်တဖၣ် ဘၣ်န့ၣ်လီၤ.

ကီၢ်သူလ့ၤကီၢ်ရ့ၣ်တဖၣ်