Fri, 09 Jan 2026
တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးလၢ မူ(မုန်း)ကီၢ်ဆၣ်, ချၢၣ်လွံၢ်ထူၣ်(ညောင်လေးပင်)ကီၢ်ရ့ၣ်ဖဲ လါယနူၤအါရံၤ ၂၀၂၅ နံၣ်အပူၤန့ၣ်လီၤ. ဖဲလါယနူၤအါရံၤ ၉ သီ, ၂၀၂၅ နံၣ်အနံၤန့ၣ်ဟီၣ်လာ်မ့ၣ်ပိၢ်တဖျၢၣ်ပိၢ်ဖးထီၣ်ဖဲကျဲမုၢ်တ ဘိလၢအိၣ်ဖဲ အဘ--- သဝီ, မၠီၣ်ပၤကိကရူၢ်, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်ဒီး အအ--- သဝီ, ပၠ့မၣ်ပ့ၤကရူၢ်, မူကီၢ်ဆၣ်အ ဘၢၣ်စၢၤန့ၣ်လီၤ. ခီဖျိလၢဟီၣ်လာ်မ့ၣ်ပိၢ်အတၢ်ပိၢ်ဖးထီၣ်အဃိဘၣ်ဒိဝဲ အအ--- သဝီဖိ (၂) ဂၤဖဲအဝဲသ့ၣ်လဲၤတုၤဖဲတၢ်လီၢ်တ တီၤလၢအအိၣ်ဘူးဒီးတိၤတဘိလၢအဝဲသ့ၣ်ကလဲၤတခွဲအီၣ်ညၣ်လၢထံကျိပူၤအဂီၢ်န့ၣ်လီၤ. ဖဲ မီၤအ--- ဟးထီၣ်လၢထံကျိပူၤအ ဆၢကတီၢ်လၢတၢ်သတူၢ်ကလာ်အပူၤအဝဲယီၢ်ဘၣ်ဝဲဟီၣ်လာ်မ့ၣ်ပိၢ်တဖျၢၣ်လၢဘၣ်တၢ်ဒိးလီၤပာ်အီၤလၢ ကမျၢၢ်တၢ်ဒီသဒၢသုး (PDF) န့ၣ်လီၤ. PDF သ့ၣ်တဖၣ်ဒိးလီၤပာ်ဝဲဟီၣ်လာ်မ့ၣ်ပိၢ်တဖျၢၣ်အံၤခီဖျိအဝဲသ့ၣ်ပညိၣ်ဃာ်ဝဲလၢ ထံကီၢ်တၢ်ပၢတၢ်ပြးကီၣ် ကးကရၢ (SAC) အသုးသ့ၣ်တဖၣ်ဟးဆှၣ်တၢ်လၢဟီၣ်ကဝီၤအံၤအပူၤအဂီၢ်န့ၣ်လီၤ. ခီဖျိလၢတၢ်ပိၢ်ဖးထီၣ်တဘျီအံၤအဃိ မီၤအ--- အခီၣ်စ့ၣ်တပၤဘၣ်ဒိဝဲနးနးကလဲာ်ဒီးဘၣ်တၢ်ဒီၣ်တူာ်ကွံာ်ဝဲဒၣ်န့ၣ်လီၤ. အသကိးစ့ၢ်ကီးဘၣ်ဒိဝဲတဆံးတက့ၢ်န့ၣ်လီၤ. မီၤအ--- ဘၣ်တၢ်လဲၤဒိးကူစါယါဘျါအီၤလၢ အဒ--- တၢ်ဆါဟံၣ်လၢအဘၣ်တၢ်ပၢဆှၢအီၤလၢ ကညီဆူၣ်ချ့မၤစၢၤဝဲၤကျိၤ (KDHG) အစုတီၤဖီလာ်ဒီးလၢအအိၣ်သူၣ်လီၤအသးဖဲ ကၠီးဖၠၢ်ကရူၢ်, မူကီၢ်ဆၣ်အပူၤန့ၣ်လီၤ. လီၢ်ကဝီၤ PDF သုးကသံၣ်သရၣ် တဂၤကူစါယါဘျါဝဲ မီၤအ--- အသကိးလၢအဘၣ်ဒိဝဲတဆံးတက့ၢ်တဂၤန့ၣ်လီၤ.
Fri, 09 Jan 2026
တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးဖဲဘံလ့ကီၢ်ဆၣ်, ဒူသထူၣ်ကီၢ်ရ့ၣ်ဖဲလါအီးကထိဘၢၣ်အဆၢ ကတီၢ်န့ၣ်လီၤ. ဖဲလါအီးကထိဘၢၣ် ၉ သီ, ၂၀၂၅ နံၣ်အနံၤ, ဟါခီ ၈း၀၀ နၣ်ရံၣ်အဆၢကတီၢ်, ပယီးသုးကဘီယူၤဟဲခးလီၤ တၢ်ဖဲ ရန---သဝီဖဲယိၤကျါကရူၢ်ဒီးတ့ၢ်လီၤဝဲမ့ၣ်ပိၢ် (၂) ဖျၢၣ်န့ၣ်လီၤ. မ့ၣ်ပိၢ်အကျါတဖျၢၣ်လီၤတဲာ်ဖဲသဝီပူၤဒီးတပိၢ်ဖးထီၣ်ဘၣ် န့ၣ်လီၤ. ကျိဖးဒိၣ်ချံအဂၤခံဖျၢၣ်လီၤတဲာ်ဖဲဟံၣ်မဲာ်ညါဒီးဘၣ်သံဝဲဖိၣ်သၣ် (၃) ဂၤဖဲတၢ်ပျီပူၤဒီးဘၣ်ဒိဝဲ (၂) နးနးကလဲာ်ဒီး သံဝဲဖဲအဝဲသ့ၣ်လဲၤတုၤလၢတၢ်ဆါဟံၣ်ဝံၤအလီၢ်ခံန့ၣ်လီၤ. သဝီဖိအဂၤ (၉) ဂၤပၣ်ဃုာ်ဒီးဖိသၣ် (၂) ဂၤဘၣ်ဒိဝဲန့ၣ်လီၤ. သဝီဖိ ဟံၣ် (၃) ဖျၢၣ်ဘၣ်ဒိဟးဂီၤကွံာ်ဝဲဒီးအဂၤ (၉) ဖျၢၣ်ဘၣ်ဒိဝဲတဆံးတက့ၢ်လၢကဘီယူၤအတၢ်ခးလီၤတၢ်အဃိန့ၣ်လီၤ. ဆၣ် ဖိကီၢ်ဖိလၢတၢ်ဘုၣ်ဒၢအီၤသ့ၣ်တဖၣ်ဘၣ်ဒိဒီးဘၣ်သံဝဲန့ၣ်လီၤ. လၢတၢ်ကဲထီၣ်သးဒ်အံၤအဃိသဝီဖိသ့ၣ်တဖၣ်အိၣ်လၢသဝီပူၤ တဘူၣ်နီတဂၤဘၣ်ဒီးအဝဲသ့ၣ်ဘၣ်ဃ့ၢ်ကွံာ်ဆူတၢ်လီၢ်လၢအဝဲသ့ၣ်နာ်ဝဲလၢကပူၤဖျဲးလၢအဝဲသ့ၣ်အဂီၢ်န့ၣ်လီၤ.
Fri, 09 Jan 2026
တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးဖဲ ဒူပျာ်ယာ်ကီၢ်ရ့ၣ် ဖဲလါယူၤလံ ၂၀၂၅ နံၣ် အပူၤန့ၣ်လီၤ. ဖဲလါယူၤလံ ၉ သီ, ၂၀၂၅ နံၣ်အနံၤန့ၣ် ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်ချ့သုးရ့ၣ်နီၣ်ဂံၢ် (ခမရ - ၅၄၅) လၢအအိၣ်ဆီလီၤသးဖဲကြုၢ်တုဝ့ၢ်တဖု ခးလီၤဝဲကျိဖးဒိၣ် ၁၂၀ မမ ဆူ အအ--- သဝီ, မၠီၣ်ကၠးအ့ကရူၢ်, ကြုၢ်တုကီၢ်ဆၣ်, ဒူပျာ်ယာ်ကီၢ်ရ့ၣ်ပူၤန့ၣ်လီၤ. ကျိဖးဒိၣ်ချံလီၤတဲာ်ပိၢ်ဖးထီၣ်ဝဲလၢ ဒဲတဖျၢၣ်အမဲာ်ညါဖဲလၢဖိသၣ် (၄) ဂၤ ဂဲၤလိၣ်ကွဲဝဲအခါ ဒီး ဘၣ်ဒိဝဲအဝဲသ့ၣ်န့ၣ်လီၤ. အဝဲသ့ၣ် (၃) ဂၤ ဘၣ်ဒိဝဲတစံးတက့ၢ် ဒီးမ့မ့ၢ်တဂၤန့ၣ် ဘၣ်ဒိဝဲနးနးကျံာ်ကျံာ်ဖဲ အခိၣ်သၣ်ဃံအဃိ အဝဲဘၣ်တၢ်လဲၤဆှၢအီၤဆူ ဃိၣ်သၢဖျၢၣ်တၢ်ဆါဟံၣ်လၢတၢ်ကူစါယါဘျါအဂီၢ်န့ၣ်လီၤ. ပှၤတူၢ်ဘၣ်တၢ်ဖိသၣ်အံၤဒိးန့ၢ်ဘၣ် တၢ်ကူစါယါဘျါသးလၢအတလၢၤဘူၣ်လၢၤစ့ၤဘၣ်န့ၣ်လီၤ. အဝဲဒီးအဟံၣ်ဖိဃီဖိ ဒိးန့ၢ်ဘၣ်စ့ၢ်ကီးဝဲတၢ်မၤဘူၣ်တနီၤလၢသဝီဖိ အဂၤတဖၣ်အအိၣ် ဖဲလၢအဘၣ်ဒိးကူစါယါဘျါသးအဆၢကတီၢ်အခါန့ၣ်လီၤ. အဝဲဒီးအဟံၣ်ဖိဃီဖိအံၤမ့ၢ်ပှၤဘၣ်ဃ့ၢ်အိၣ်ကမှံ ဒီးဒိးတူၢ်လဲမၤတၢ်လၢတနံၤဂီၢ်တနံၤဂီၢ်လၢတၢ်လုၢ်အီၣ်နီၢ်ခိသးသမူအဂီၢ်န့ၣ်လီၤ. ခီဖျိလၢတၢ်ဒုးတၢ်ယၤအဃိ, သဝီဖိ ၃၀ ဂၤ ဃၣ်ဃၣ်လၢအအိၣ်လၢကြုၢ်တုဝ့ၢ်ပူၤအံၤဘၣ်ဃ့ၢ်ထီၣ်အိၣ်ကဒုဝဲဆူသဝီပူၤန့ၣ်လီၤ. ပှၤဘၣ်ဃ့ၢ်အိၣ်ကမှံတဖၣ်အံၤ တၢ်မၤခိၣ် သ့ၣ်လၢအမၤဝဲတဖၣ်မ့ၢ်ဝဲ, မၤတၢ်လၢကျီးပူၤ မ့တမ့ၢ် ကွးတူၢ်လဲရၢးဘၢၣ်လၢတနံၤဂီၢ်တနံၤဂီၢ်လၢတၢ်လုၢ်အီၣ်နီၢ်ခိ သးသမူအဂီၢ် န့ၣ်လီၤ.
Mon, 05 Jan 2026
တၢ်ဂီၤတၢ်ကစီၣ်တဘ့ၣ်အံၤပာ်ဖျါဝဲတၢ်ဂီၤတၢ်အုၣ်သးလၢပယီၤသုးဒီးသုးဖီၣ်စုကဝဲၤကရူၢ်လၢအမၤသကိးဃုၣ်တၢ်, ပၣ်ဃုာ်ဒီး သုးခီးကီၢ်ဆၢ (BGF) ဒီးပၠူၤစီထံခးလီၤဝဲကျိဖးဒိၣ်စးထီၣ်လၢလါယနူၤအါရံၤတုၤလါနိၣ်ဝ့ဘၢၣ် ၂၀၂၅ နံၣ်ဒီးဒုးအိၣ်ထီၣ် ဝဲတၢ်ဘၣ်ဒိဘၣ်ထံးလၢဒူသဝီကမျၢၢ်သ့ၣ်တဖၣ်န့ၣ်လီၤ. ဆၢကတီၢ်ဖဲအံၤ, ကညီပှၤဂ့ၢ်ဝီခွဲးယာ်ကရူၢ် (KHRG) မၤနီၣ်မၤဃါ ဝဲတၢ်အုၣ်သးသ့ၣ်တဖၣ်အါမးဘၣ်ဃးတၢ်မၤဘၣ်ဒိပှၤဟီၣ်ခိၣ်ဖိခွဲးယာ်သုးဖိသ့ၣ်တဖၣ်မၤဝဲ, အါတက့ၢ်ပယီၤသုးလၢအအိၣ် လၢကီၢ်ပယီၤသုးမီၤစိရိၤတၢ်ပၢအဖီလာ်သ့ၣ်တဖၣ်ရၤလီၤအသးဒီးခးလီၤတၢ်လၢကမျၢၢ်အိၣ်ဆိးဟီၣ်ကဝီၤအလီၢ်န့ၣ်လီၤ. စးထီၣ် လၢ ၂၀၂၁ သုးဟံးန့ၢ်ဆူၣ်တၢ်စိတၢ်ကမီၤဝံၤအလီၢ်ခံဒီးတုၤဃီလၢ ၂၀၂၅ အံၤန့ၣ် SAC ခးလီၤနါစိၤကျိဖးဒိၣ်အါထီၣ်ဒီးဘၣ် သံဒီးဘၣ်ဒိဝဲသဝီဖိသ့ၣ်တဖၣ်, ဘၣ်ဟးဂီၤဟံၣ်ဃီ, စံာ်ဧိၤပှဲၤဧိၤ, တၢ်စုလီၢ်ခီၣ်ခိၣ်ဒီးပှၤတဝၢတၢ်သူၣ်ထီၣ်သ့ၣ်တဖၣ်, ဒုးအိၣ် ထီၣ်ဝဲတၢ်ပျံၤတၢ်ဖုးလၢကျိဖးဒိၣ် (UXO) လၢအတပိၢ်ဖးထီၣ်ဘၣ်တဖၣ်, မၤတံာ်တာ်သဝီဖိသ့ၣ်တဖၣ်လၢကလဲၤထီၣ်က့ၤ လီၤဘၣ်လၢတၢ်သဘျ့အပူၤလၢတၢ်လုၢ်အီၣ်နီၢ်ခိသးသမူအဂီၢ်ဒီးဒုးအိၣ်ထီၣ်ဝဲတၢ်ဃ့ၢ်မှံးဟးဖျိးအါအါဂီၢ်ဂီၢ်န့ၣ်လီၤ. သဝီဖိသ့ၣ် တဖၣ်မ့ၢ်အိၣ်ဒီးတၢ်တၤတၢ်ထဲလဲၣ်ဘၣ်ဆၣ်အဝဲသ့ၣ်ဃုဝဲကျဲဖံးမၤဘၣ်တၢ်လၢတၢ်လုၢ်အီၣ်နီၢ်ခိသးသမူအဂီၢ်, ပၣ်ဃုာ်ဒီးတၢ်ဆှၢ ဝဲပှၤသဝီဖိလၢအဘၣ်ဒိသ့ၣ်တဖၣ်လၢကဒိးန့ၢ်ဘၣ်တၢ်ကူစါယါဘျါသးဒီးကသုးကွံာ်အသးလၢတၢ်လီၢ်လၢအပူၤဖျဲးန့ၣ်လီၤ.
Tue, 23 Dec 2025
တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးဖဲလါအ့ဖြ့ၣ် ၂၀၂၅ နံၣ်ဖဲ မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤ န့ၣ်လီၤ. ဖဲလါအ့ဖြ့ၣ် ၂၈ သီ, ၂၀၂၅ နံၣ်အနံၤ, ကဘၣ်ဖဲဂီၤခီ ၁၀:၁၅ မံးနံးအဆၢကတီၢ် ထံကီၢ်တၢ်ပၢတၢ်ပြးကီၣ်ကးကရၢ (SAC) အကဘီယူၤဒုးသုးတဘ့ၣ်ဟဲတ့ၢ်လီၤဝဲမ့ၣ်ပိၢ် (၂) ဖျၢၣ်ဖဲ ကည့ၣ်တဲကရူၢ်, မူဟီၣ်ကဝီၤလီၤဆီ, မူ (မုန်း) ကီၢ်ဆၣ်အပူၤ န့ၣ်လီၤ. မ့ၣ်ပိၢ်အကျါတဖျၢၣ်န့ၣ်လီၤတဲာ်ပိၢ်ဖးထီၣ်ဖဲ ကက--- သဝီပူၤဒီးမ့ၣ်ပိၢ်အဂၤတဖျၢၣ်န့ၣ်လီၤတဲာ်လၢသဝီချၢဒီးတပိၢ်ဖး ထီၣ်ဘၣ်န့ၣ်လီၤ. လၢတၢ်န့ၣ်အဃိသဝီဖိ (၃) ဂၤဘၣ်သံကွံာ်ဝဲဒီးသဝီဖိ (၂) ဂၤဘၣ်ဒိဘၣ်ထံးအကျါပၣ်ဃုာ်ဒီးဖိသၣ်တနံၣ်တ ဂၤန့ၣ်လီၤ. ဟံၣ်ဘၣ်ဟးဂီၤလီၤပှီၢ်ကွံာ်ဝဲ (၂) ဖျၢၣ်ဒီးဘၣ်ဒိဝဲ (၄) ဖျၢၣ်န့ၣ်လီၤ. တၢ်ဟဲခးလီၤတၢ်ဒီးကဘီယူၤဝံၤအလီၢ်ခံသဝီဖိ လၢအအိၣ်ဖဲ ကက--- သဝီပူၤတဖၣ်မ့ၢ်နၢ်ဟူဝဲကဘီယူၤယူၤသီၣ်န့ၣ်အဝဲသ့ၣ်ပျံၤတၢ်ဖုးတၢ်ဒီးဘၣ်ယိၣ်ဘၣ်ဘှီတၢ်န့ၣ်လီၤ. အခဲ အံၤသဝီဖိတနီၤလဲၤဃ့ၢ်အိၣ်က့ၤဝဲလၢသဝီအဂၤန့ၣ်လီၤ.
Wed, 03 Dec 2025
တၢ်ဂီၤတၢ်ကစီၣ်တဘ့ၣ်အံၤပာ်ဖျါထီၣ်ဝဲတၢ်ဂီၤတၢ်အုၣ်သးလၢထံကီၢ်တၢ်ပၢတၢ်ပြးကီၣ်ကးကရၢ (SAC) ကဘီယူၤခးလီၤတၢ်ဖဲ ထံဖိကီၢ်ဖိကမျၢၢ်အဟီၣ်ကဝီၤပူၤဖဲကီၢ်ပယီၤမုၢ်ထီၣ်ကလံၤထံးတကပၤ, ပၣ်ဃုာ်ဒီးဒူသဝီဒီးတၢ်ဖံးအီၣ်မၤအီၣ်လီၢ်ကျဲသ့ၣ်တ ဖၣ်စးထီၣ်လၢလါယနူၤအါရံၤတုၤလီၤလၢလါဒံၣ်စဲဘၢၣ် ၂၀၂၄ နံၣ်န့ၣ်လီၤ. ဖဲတၢ်ပာ်ဖျါထီၣ်တၢ်ဂ့ၢ်တၢ်ကျိၤအဆၢကတီၢ်န့ၣ်, KHRG ဒိးန့ၢ်ဘၣ်ဝဲတၢ်ဂ့ၢ်တၢ်ကျိၤအါမးဘၣ်ဃး SAC ပညိၣ်ဒီးခးလီၤနါစိၤတၢ်လၢဒြိဒီးကဘီယူၤဖဲသဝီဖိအဟီၣ်ကဝီၤဒီးဘၣ် ဒိဝဲဒူသဝီဖိအတၢ်အိၣ်မူအဒိၣ်ကတၢၢ်တခါလၢအဘၣ်တၢ်ပာ်ဖျါထီၣ်အီၤစးထီၣ်လၢ ၂၀၂၁ သုးမီၤစိရိၤဟံးန့ၢ်ဆူၣ်တၢ်စိတၢ်က မီၤလံၤလံၤန့ၣ်လီၤ. ကဘီယူၤခးလီၤတၢ်အံၤမၤသံဒီးမၤဘၣ်ဒိဝဲသဝီဖိသ့ၣ်တဖၣ်, မၤဟးဂူာ်ဟးဂီၤအဝဲသ့ၣ်ဟံၣ်ဃီ, ပှၤတဝၢ တၢ်သူၣ်ထီၣ်သ့ၣ်တဖၣ်, တၢ်ဖံးအီၣ်မၤအီၣ်အလီၢ်သ့ၣ်တဖၣ်ဒီးဒုးအိၣ်ထီၣ်ဝဲတၢ်ဃ့ၢ်မှံဟးဖျိးအါအါဂီၢ်ဲဂီၢ်န့ၣ်လီၤ. တၢ်ခးလီၤတၢ် အံၤဒုးအိၣ်ထီၣ်ဝဲတၢ်ပျံၤတၢ်ဖုးဒီးမၤတံာ်တာ်ဝဲတၢ်ကူၣ်ဘၣ်ကူၣ်သ့ဒီးတၢ်အိၣ်ဆူၣ်အိၣ်ချ့အတၢ်ခွဲးတၢ်ယာ်ဒီးတၢ်လီၤဘၣ်ယိၣ်လၢမ့ၣ်ပိၢ်လၢအတပိၢ်ဖးထီၣ် (UXO) သ့ၣ်တဖၣ်အါထီၣ်ဝဲလၢကမျၢၢ်သ့ၣ်တဖၣ်အဟီၣ်ကဝီၤပူၤန့ၣ်လီၤ. ခီဖျိလၢကဘီ ယူၤခးလီၤတၢ်အဃိ, သဝီဖိသ့ၣ်တဖၣ်လဲၤဖံးအီၣ်မၤအီၣ်က့ၤတၢ်လၢစံာ်ပျီပူၤဒီးတၢ်ဖံးအီၣ်မၤအီၣ်အလီၢ်လၢတၢ်လုၢ်အီၣ်နီၢ်ခိ သးသမူအဂီၢ် တဘူၣ်လၢၤဘၣ်ဒီးကဘၣ်ဟးဃ့ၢ်အိၣ်ကဒုလၢပှၢ်ပူၤဒီးလၢလ့ပူၤန့ၣ်လီၤ.

တၢ်ရၤလီၤအသီ

KHRG ဟူးဂဲၤဟီၣ်ကဝီၤ (လီၢ်ကဝီၤပာ်ကနီၣ်ကညီကီၢ်စဲၣ် ဒီး ကီၢ်ပယီၤပဒိၣ်အတၢ်ပာ်ပနီၣ် ကီၢ်စဲၣ်ဒီးကီၢ်ခီအဆၢ)

ပမၤလိၦၤတဝၢဖိတဖၣ် လၢကမၤနီၣ်မၤဃါ တၢ်မၤဘၣ်ဒိၦၤဂ့ၢ်ဝီခွဲးယာ်လၢပျီပူၤဒီး ဘၣ်တၢ်ကျိာ်ထံက့ၤအီၤဒီး  ရၤလီၤအီၤ လၢပလံာ်တၢ်ကစီၣ်အပူၤ  ဒ်သိးပကဒုးသ့ၣ်ညါၦၤဂၤလၢ သဝီဖိတဖၣ်အတၢ်ထံၣ်အတၢ်ပာ်သး အဂီၢ်န့ၣ်လီၤ.

ပမၤသကိးတၢ်ဒီး  လီၢ်ကဝီၤဒီးဟီၣ်ခိၣ်ဒီဘ့ၣ် ၦၤလၢအမၤတၢ်ဆၢတဲာ်သ့ဘၣ်ဃးဒီး  ၦၤဟီၣ်ခိၣ်ဖိခွဲးယာ်သ့ၣ်တဖၣ်   ဒီးမၤလီၤတံၢ်အီၤ ဒ်သိးၦၤသဝီဖိတဖၣ်အကလုၢ်ကတုၤဆူ  ၦၤလၢအမၤတၢ်ဆၢတဲာ်လၢ အလုၢ်ဘၢအဝဲသ့ၣ်အတၢ်အိၣ်မူ သ့သ့ၣ်တဖၣ် အအိၣ်အဂီၢ်န့ၣ်လီၤ.

ပဟ့ၣ်တၢ်သိၣ်လိဘၣ်ဃး ၦၤဂ့ၢ်ဝီခွဲးယာ် ဟီၣ်ခိၣ်ဒီဘ့ၣ်တၢ်တိစၢၤမၤစၢၤၦၤဂ့ၢ်ဝီတၢ်လိၣ်ဘၣ်သဲစးတၢ်ဘျၢ (IHL) အဂ့ၢ် ဆူလီၢ်ကဝီၤဂံၢ်ခီၣ်ထံးတၢ်ကရၢကရိဒီးသုးဖီၣ်စုကဝဲၤကရၢတဖၣ် လၢတၢ်ဆီၣ်ထွဲမၤစၢၤအဝဲသ့ၣ် လၢ ခါဆူညါအတၢ်ဒီ သဒၢဒီးမၤနီၣ်မၤဃါတၢ်မၤပယွဲၦၤဂ့ၢ်ဝီခွဲးယာ်အဂီၢ်န့ၣ်လီၤ.

ပတၢ်ကူၣ်လိာ်တၢၣ်ပီၣ်တဲသကိးတၢ်မၤလိလၢၦၤတဝၢအပတီၢ်တဖၣ် ဟ့ၣ်ၦၤသဝီဖိတဖၣ်တၢ်လီၢ်လၢ ကဟ့ၣ်ခီဟ့ၣ်နီၤ လီၤအတၢ်လဲၤခီ ဖျိတဖၣ်ႇ ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး မၤလဲၤထီၣ်လဲၤထီအဝဲသ့ၣ် အနီၢ်ကစၢ်တၢ်ဒီသဒၢလီၤသး အကျိၤအကျဲတဖၣ်န့ၣ်လီၤ.

လံာ်ဘိးဘၣ်ရၤလီၤတဖၣ်

လံာ်ပာ်ဖျါလၢအဘၣ်ထွဲတၢ်ဂ့ၢ်မိၢ်ၦၢ်တဖၣ်ဒီး လံာ်တၢ်ပာ်ဖျါတၢ်ထံၣ်တဖၣ်

လံာ်တၢ်ကစီၣ်