တၢ်ကဲထီၣ်သးအကလုာ်

[ကဘီယူၤခးလီၤတၢ်] ပယီၤသုးမီၤစိရိၤခးလီၤတၢ်လၢကဘီယူၤအဃိဘၣ်သံဝဲဖိသၣ် (၅) ဂၤဒီးဘၣ်ဒိဝဲသဝီဖိ (၉) ဂၤ.

တၢ်ကဲထီၣ်သးမုၢ်နံၤမုၢ်သီ

လါအီးကထိဘၢၣ် ၉ သီ, ၂၀၂၅ နံၣ်.

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ရန---သဝီ, ယိၤကျါကရူၢ်, ဘံလ့ကီၢ်ဆၣ်, ဒူသထူၣ်ကီၢ်ရ့ၣ်

ၦၤလၢအတူၢ်ဘၣ်တၢ်အသံတဖၣ်အဂ့ၢ်အကျိၤ

မံၤ

စီၤဆ---

စီၤသ---

နီၢ်ဝ---

နီၢ်န---

နီၢ်ဘ---

သးနံၣ်

၆ နံၣ်

၇ နံၣ်

၉ နံၣ်

၁၀ နံၣ်

၁၂ နံၣ်

မုၣ်/ ခွါ

ခွါ

ခွါ

မုၣ်

မုၣ်

မုၣ်

ကလုာ်

ကညီ

ကညီ

ကညီ

ကညီ

ကညီ

ထီၣ်ပှၢ် / သဘျ့  

ဖိသၣ်

ဖိသၣ်

ဖိသၣ်

ဖိသၣ်

ဖိသၣ်

တၢ်ဖံးတၢ်မၤ

ကၠိဖိ

ကၠိဖိ

ကၠိဖိ

ကၠိဖိ

ကၠိဖိ

တၢ်ဘူၣ်တၢ်ဘါ

ဘူးဒး

ဘူးဒး

ဘူးဒး

ဘူးဒး

ဘူးဒး

တၢ်ဟံးမူဒါ/ လီၢ်လၤ

ကၠိဖိ

ကၠိဖိ

ကၠိဖိ

ကၠိဖိ

ကၠိဖိ

အိၣ်ဆိးဒူသဝီ

ရန---သဝီ

ရန---သဝီ

ရန---သဝီ

ရန---သဝီ

ရန---သဝီ

ၦၤလၢအဘၣ်ဒိတဖၣ်အဂ့ၢ်အကျိၤ (ဖိသၣ်)

မံၤ

စီၤဟ---

စီၤမ---

သးနံၣ်

၂ လါ

၁၀ နံၣ်

မုၣ်/ ခွါ

ခွါ

ခွါ

ကလုာ်

ကညီ

ကညီ

ထီၣ်ပှၢ် / သဘျ့  

ဖိသၣ်ဆံး

ဖိသၣ်

တၢ်ဖံးတၢ်မၤ

-

-

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံးမူဒါ/ လီၢ်လၤ

-

-

အိၣ်ဆိးဒူသဝီ

ရန---သဝီ

ရန---သဝီ

ၦၤလၢအဘၣ်ဒိတဖၣ်အဂ့ၢ်အကျိၤ (ပှၤဒိၣ်တုာ်)

မံၤ

နီၢ်က---

စီၤခ---

ယါဒ---

ယါအ---

တံဂ---

စီၤရ---

နီၢ်လ---

သးနံၣ်

၃၁ နံၣ်

၃၄ နံၣ်

၆၁ နံၣ်

၅၁ နံၣ်

၆၂ နံၣ်

၅၄ နံၣ်

၁၈ နံၣ်

မုၣ်/ ခွါ

မုၣ်

ခွါ

မုၣ်

မုၣ်

ခွါ

ခွါ

မုၣ်

ကလုာ်

ကညီ

ကညီ

ကညီ

ကညီ

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

ထီၣ်ပှၢ်

ထီၣ်ပှၢ်

ထီၣ်ပှၢ်

ထီၣ်ပှၢ်

သဘျ့

တၢ်ဖံးတၢ်မၤ

ထူစံာ်

ထူစံာ်

ထူစံာ်

ထူစံာ်

ထူစံာ်

ထူစံာ်

[တသ့ၣ်ညါ]

တၢ်ဘူၣ်တၢ်ဘါ

ဘူးဒး

ဘူးဒး

ဘူးဒး

ဘူးဒး

ဘူးဒး

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

ရန---သဝီ

ရန---သဝီ

ရန---သဝီ

ရန---သဝီ

ရန---သဝီ

ရန---သဝီ

ရန---သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

ကဘီယူၤအကလုာ်           

သုးဂံၢ်ထံး

အိၣ်သူၣ်လီၤသးလီၢ်ကျဲ

အခိၣ်အမံၤ

[တသ့ၣ်ညါ]

ပယီၤကလံၤသုး

တသ့ၣ်ညါ

သုးခိၣ်ဒိၣ်ထိအီၤ, ကီၢ်ပယီၤသုးကလံၤသုးအသုး ခိၣ်ကျၢၢ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ယ [ပျီပူၤပှၤမၤတၢ်ဖိ] ဒိးန့ၢ်ဘၣ်တၢ်ဂ့ၢ်တၢ်ကျိၤအံၤလၢသဝီဖိလၢအအိၣ်ဘူးဒီးတၢ်ကဲထီၣ်သးအလီၢ်လၢအမ့ၢ်, ကရူၢ်ခိၣ်, သဝီ သးပှၢ်ဒီးပှၤလၢအဘူးအတံၢ်သ့ၣ်တဖၣ်န့ၣ်လီၤ. ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ခဲလၢာ် (၃) ဖျၢၣ်, ခံဖျၢၣ်န့ၣ်တၢ်မၤအီၤ ဒီးဟံၣ်ဖိဃီဖိတဒူၣ်ဒီးအဂၤတဖျၢၣ်န့ၣ်တၢ်မၤအီၤဒီးပှၤတူၢ်ဘၣ်တၢ်အကျါတဂၤလၢအမ့ၢ်တံဂ---န့ၣ်လီၤ. ပှၤသ့ၣ်တဖၣ်အံၤတ နီၤအကျါအိၣ်ဘၣ်လၢ [တၢ်ကဲထီၣ်သးအလီၢ်] ဒီးတနီၤန့ၣ်မၤစၢၤဘၣ်ဝဲ [ပှၤတူၢ်ဘၣ်တၢ်ဖိ] ဖဲတၢ်ကဲထီၣ်သးဝံၤအလီၢ်ခံန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤလၢအဟ့ၣ်တၢ်ဂ့ၢ်တၢ်ကျိၤသ့ၣ်တဖၣ်အံၤအိၣ်ဘၣ်လၢ [တၢ်ကဲထီၣ်သးအလီၢ်] ဖဲတၢ်ကဲထီၣ်သးအဆၢကတီၢ်န့ၣ်လီၤ. တနီၤ အကျါမ့ၢ်ဝဲပှၤလၢအဟဲဒီးမၤစၢၤဝဲ [ပှၤတူၢ်ဘၣ်တၢ်ဖိ] ဖဲတၢ်ကဲထီၣ်သးဝံၤအဆၢကတီၢ်န့ၣ်လီၤ. အဝဲသ့ၣ်အဘူးအတံၢ်သ့ၣ်တ ဖၣ်အိၣ်ဘူးဒီးအဝဲသ့ၣ် [ပှၢ်တူၢ်ဘၣ်တၢ်ဖိ] ထံၣ်ထွဲဝဲ [တၢ်ကဲထီၣ်သးအံၤန့ၣ်လီၤ.]

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ကဘီယူၤခးလီၤတၢ်အဂ့ၢ်အကျိၤ

ဖဲလါအီးကထိဘၢၣ် ၉ သီ, ၂၀၂၅ နံၣ်အနံၤ, ကဘၣ်ဖဲဟါခီ ၈း၀၀ နၣ်ရံၣ်အဆၢကတီၢ်, ပယီၤသုးမီၤစိရိၤဟဲတ့ၢ်လီၤမ့ၣ်ပိၢ် (၅၀၀ ပီၣ်) (၃) ဖျၢၣ်ဖဲရန---သဝီ, ဘၣ်တၢ်သ့ၣ်ညါစ့ၢ်ကီးလၢခထ--- သဝီ, ယိၤကျါကရူၢ်, ဘံလ့ကီၢ်ဆၣ်, ဒူသထူၣ်ကီၢ်ရ့ၣ် န့ၣ်လီၤ. မ့ၣ်ပိၢ်ခဲလၢာ်လီၤတဲာ်ဖဲတၢ်လီၢ်လၢအဘူးဒီးသဝီဖိလၢအမံၤမ့ၢ်တံဂ---တဂၤအဟံၣ်န့ၣ်လီၤ. ကျိဖးဒိၣ်အကျါတဖျၢၣ်လီၤ တဲာ်ပိၢ်ဖးထီၣ်ဖဲတံဂ---ဒီးအဖိဒိၣ်မုၣ်နီၢ်က---အဟံၣ်ဘၢၣ်စၢၤန့ၣ်လီၤ. မ့ၣ်ပိၢ်အဂၤတဖျၢၣ်လီၤတဲာ်ပိၢ်ဖးထီၣ်ဖဲတံဂ---အဟံၣ် မဲာ်ညါဒီးအဂၤတဖျၢၣ်လီၤတဲာ်ဖဲတံဂ---အဟံၣ်ကပၤဒီးတပိၢ်ဖးထီၣ်ဘၣ်န့ၣ်လီၤ. မ့ၣ်ပိၢ်လၢအပိၢ်ဖးထီၣ်ခံဖျၢၣ်န့ၣ်ဘၣ်သဝံ ဝဲသဝီဖိ (၅) ဂၤဒီးအဝဲသ့ၣ်ခဲလၢာ်မ့ၢ်ဝဲဖိသၣ်ဒီးကၠိဖိန့ၣ်လီၤ. အါန့ၢ်အန့ၣ်သဝီဖိခဲလၢာ် (၉) ဂၤပၣ်ဃုာ်ဒီးဖိသၣ် (၃) ဂၤ [သးစၢ်] ဘၣ်ဒိဝဲန့ၣ်လီၤ. ဖဲကဘီယူၤဟဲကွံာ်လီၤတၢ်အဆၢကတီၢ်ပှၤတူၢ်ဘၣ်တၢ်ဖိသ့ၣ်တဖၣ်အံၤခဲလၢာ်အိၣ်ဖဲအဟံၣ်ဒီးကတဲာ်ကတီၤ အသးလၢတၢ်မံတၢ်ဂဲၤအဂီၢ်န့ၣ်လီၤ.

ဘၣ်ထွဲဒီးမ့ၣ်ပိၢ်အတၢ်ပိၢ်ဖးထီၣ်အံၤ, တံဂ---တဲဖျါထီၣ်ဝဲလၢ “ဖဲကဘီယူၤဟဲခးလီၤတၢ်အဆၢကတီၢ်န့ၣ်ပတမၤတၢ်နီမံၤဘၣ်. ပအိၣ်လၢဟံၣ်ပူၤဒီးပတဲသကိးတၢ်ဒီးပှၤဂၤလီၤ. ခီဖျိ ၈း၃၀ နၣ်ရံၣ်အဆၢကတီၢ်လံအဃိမ့ၢ်တၢ်ဆၢကတီၢ်လၢပကဘၣ်မံလီၤ. ဖဲယနၢ်ဟူကဘီယူၤဟဲသီၣ်ဝူၤဝူၤဝူၤအဆၢကတီၢ်န့ၣ်ယဘူးကမံဘၣ်သးလံလီၤ. ဝံၤယကိးယဖိ [သးစၢ်] ခံဂၤဒီးယမါဒ်သိးပ ကလဲၤလီၤလၢဟံၣ်ဖီလာ်လီၤ. ဘၣ်ဆၣ်ဖဲပလဲၤတုၤလၢဃီတၢၢ်ခိၣ် [အဝဲသ့ၣ်အဟံၣ်မဲာ်ညါ] အဆၢကတီၢ်မ့ၣ်ပိၢ်ဟဲလီၤ တဲာ်အဃိပဟံၣ်ဟးဂီၤကွံာ်ဝဲခဲလၢာ်လီၤ. ပဟံၣ်အံၤပအိၣ်တသ့လၢၤဘၣ်. မ့ၣ်ပိၢ် (၂) ဖျၢၣ်ပိၢ်ဖးထီၣ်ဝဲလီၤ. တဖျၢၣ်န့ၣ် လီၤတဲာ်ပိၢ်ဖးထီၣ်ဖဲယဟံၣ်မဲာ်ညါဒီးအဂၤတဖျၢၣ်လီၤတဲာ်ပိၢ်ဖးထီၣ်ဖဲယဟံၣ်ဒီး ယဖိဒိၣ်မုၣ်အ ဟံၣ်ဘၢၣ်စၢၤလီၤ. လၢတၢ်န့ၣ် အဃိယဖိဒိၣ်မုၣ်အဟံၣ်လီၤပှီၢ်ဟးဂီၤကွံာ်ဝဲခဲလၢာ်လီၤ. မ့ၣ်ပိၢ်လၢအလီၢ်ခံတဖျၢၣ်တပိၢ်ဖးထီၣ်ဘၣ်ဒီးလီၤတဲာ်အိၣ်ထီတ့ၢ်လၢ ယဟံၣ်ဖီလာ်တၢ်ပူၤဖီလာ်ယိာ်မးလီၤ. ပှၤခူၣ်ထီၣ်ကွံာ်အီၤတဘူၣ်နီတဂၤဘၣ်. ဘၣ်ဆၣ် [သဝီသူၣ်က့သးပှၢ်] မၤပနီၣ်ဃာ်တၢ် ပနီၣ်ဒီးတပျဲပှၤလဲၤဖဲန့ၣ်နီတဂၤဘၣ်.” သဝီဖိအံၤဆဲးတဲကဒီးဝဲလၢ“ယတသ့ၣ်ညါလၢဘၣ်မနုၤအဃိအဝဲသ့ၣ် [ပယီၤသုး]ဟဲ ခးလီၤတၢ်လၢကဘီယူၤဖဲပသဝီပူၤလဲၣ်ဘၣ်လီၤ. ခီဖျိကဘီယူၤဒုးသုးအံၤဟဲဝဲထီဘိဘၣ်ဆၣ် [ညီနုၢ်]ယူၤတ လၢကွံာ် [အဝဲသ့ၣ် အသဝီ]လီၤ. လၢတၢ်န့ၣ်အဃိပတသ့ၣ်ညါလၢမ့ၢ်မုၢ်တနံၤကခးလီၤပှၤဒီးကဘီယူၤဘၣ်. ဖဲတၢ်ကိၢ်ထီၣ်အဆၢကတီၢ်န့ၣ်, ပက ဘၣ်အိၣ်ပလီၢ်ပဒီပသးထီဘိလီၤ. ဖဲမုၢ်နၤခီအဆၢကတီၢ်ဒၣ်လဲာ်ပမံလၢပဟံၣ်ပူၤတဘူၣ်ဘၣ်. ပကဘၣ်အိၣ်ဒံးန့ၣ် လၢစှၤလါ [ဘၣ်ဆၣ်တၢ်တကဲထီၣ်သးနီတမံၤ]. လၢတၢ်န့ၣ်အဃိပဆိကမိၣ်လၢတၢ်တကဲထီၣ်သးနီတမံၤဒီးပှၤဘၣ်. လၢတၢ်န့ၣ်အဃိပ စးထီၣ်အိၣ်က့ၤဒံပညီနုၢ်အိၣ်အသိးလီၤ. ဖဲကဘီယူၤခးလီၤတၢ်ဝံၤတဘျီဃီယမၤတၢ်တသ့နီတမံၤဘၣ်. ယဃ့ၢ်လီၤဆူတၢ်ပျီပူၤ, ဖိးဟုဃာ်ယဖိ [နီၢ်ဘ---]ဒီးဟီၣ်ဒ်သိးပှၤကမၤစၢၤယၤလီၤ. ဝံၤသဝီဖိဟဲဃ့ၢ်ဆူယအိၣ် [ဒ်သိး]ကမၤစၢၤယၤလီၤ. ဝံၤပစိာ် ထီၣ်ယဖိဒီးဆှၢအီၤဆူတက---တၢ်ဆါဟံၣ်လီၤ.”

သဝီဖိလၢအသံဒီးဘၣ်ဒိ

ခီဖျိ [လၢကဘီယူၤခးလီၤတၢ်အဃိ], ဖိသၣ်ဘၣ်သံကွံာ်ဝဲလၢတၢ်ပျီပူၤ (၃) ဂၤ [ဒီးသဝီဖိဘၣ်ဒိ (၁၁) ဂၤန့ၣ်လီၤ]. သဝီဖိ လၢအဘၣ်ဒိ (၉) ဂၤအကျါအဟံၣ်ဖိဃီဖိဒီးသဝီဖိအဂၤတနီၤဆှၢအီၤဆူတက---တၢ်ဆါဟံၣ်လၢတၢ်ကူစါယါဘျါသးအဂီၢ်န့ၣ် လီၤ. ဖိသၣ်အဂၤခံဂၤ [နီၢ်ဘ---ဒီးစီၤဆ---] သံဖဲအဝဲသ့ၣ်လဲၤတုၤလၢတၢ်ဆါဟံၣ်အဆၢကတီၢ်န့ၣ်လီၤ. သဝီဖိလၢအအိၣ်တ့ၢ် (၇) ဂၤအိၣ်ဝဲလၢသးသမူတၢ်လီၤဘၣ်ယိၣ်အပူၤဒီးဒိးန့ၢ်ဘၣ်တၢ်ကူစါယါဘျါသးဖဲတက---တၢ်ဆါဟံၣ် [ဖဲလါအီးကထိဘၢၣ် ၂၀၂၅ နံၣ်] န့ၣ်လီၤ. [တက---တၢ်ဆါဟံၣ်အံၤအိၣ်သူၣ်လီၤအသးဖဲတက---သဝီ, ဖွၣ်ဂီၤကရူၢ်, ဖၣ်အၣ်ကီၢ်ဆၣ်, ဒူသထူၣ်ကီၢ် ရ့ၣ်ဒီးဘၣ်တၢ်တီခိၣ်ရိၣ်မဲအီၤလၢကညီဆူၣ်ချ့မၤစၢၤဝဲၤကျိၤ (KDHW) န့ၣ်လီၤ]. သဝီဖိ (၃) ဂၤအကျါဒိးန့ၢ်ဘၣ်ဝဲတၢ်ကူစါယါ ဘျါသးဖဲ KDHW တၢ်ဟ့ၣ်ကသံၣ်ဒၢးဖဲသဝီပူၤန့ၣ်လီၤ.

ကၠိဖိ (၃) တီၤလၢအမံၤမ့ၢ်နီၢ်န---တဂၤအံၤအနီၢ်ခိဖျိးကွံာ်ဝဲခံခီဒီးဘၣ်သံဝဲန့ၣ်လီၤ. ကၠိဖိ (၂) တီၤလၢအမံၤမ့ၢ်နီၢ်ဝ---တဂၤဘၣ်ဒိ ဝဲဒီးကျိဖးဒိၣ်အက့ဖဲအခိၣ်သၣ်ဃံဒီးသံဝဲန့ၣ်လီၤ. ဖိသၣ်ကတီၤဆိကၠိဖိတဂၤလၢအမံၤမ့ၢ်စီၤသ---တဂၤဘၣ်ဒိဝဲဒီးသံဝဲဖဲတၢ် ပျီပူၤန့ၣ်လီၤ. နီၢ်ဘ---အနီၢ်ကစၢ်ဒီတဂၤဘၣ်ဒိဝဲလၢမ့ၣ်ပိၢ်ပိၢ်ဖးထီၣ်အက့န့ၣ်လီၤ. အဝဲဘၣ်ဒိဝဲနးမးဖဲအဟၢဖၢအဃိသံဝဲ ဖဲအဝဲလဲၤတုၤလၢတၢ်ဆါဟံၣ်ဝံၤအဆၢကတီၢ်န့ၣ်လီၤ. စီၤဆ---စ့ၢ်ကီးအနီၢ်ကစၢ်ဘၣ်ဒိဝဲဒီတဂၤဒီးဘၣ်ဒိဝဲနးမးဖဲအခိၣ်သၣ်ဃံ အဃိအဝဲသံဝဲဖဲအလဲၤတုၤတၢ်ဆါဟံၣ်ဝံၤအလီၢ်ခံန့ၣ်လီၤ.

အါန့ၢ်အန့ၣ်, စီၤရ---အနီၢ်ကစၢ်ဘၣ်ဒိဝဲဒီတဂၤ, တံဂ---ဘၣ်ဒိဝဲဖဲအစုစ့ၣ်ဒီးအခၣ်ဃံ, ယါအ---အနီၢ်ကစၢ်ဘၣ်ဒိဒီတဂၤ, ယါဒ---ဘၣ်ဒိဝဲဖဲအစုထွဲဒီးအဟၢဖၢ, စီၤဖ---ဘၣ်ဒိဝဲဖဲအခံခိၣ်ဒီးအခီၣ်စ့ၣ်တပၤ, နီၢ်က---ဘၣ်ဒိဝဲဖဲအခီၣ်စ့ၣ်တပၤဒီးအပျိၢ်ဃံ န့ၣ်လီၤ. အဝဲသ့ၣ်ခဲလၢာ်ဘၣ်ဒိဝဲနးမးဒီးအိၣ်လၢသးသမူတၢ်လီၤဘၣ်ယိၣ်အပူၤအဃိ, အဝဲသ့ၣ်ဒိးန့ၢ်ဘၣ်ဝဲတၢ်ကူစါယါဘျါသး တက---တၢ်ဆါဟံၣ်န့ၣ်လီၤ. သဝီဒီးတၢ်ဆါဟံၣ်အံၤတၢ်ဒ့စၢၤကအိၣ်လၢသိလ့ၣ် (၃) နၣ်ရံၣ်န့ၣ်လီၤ.

စီၤဟ---ဘၣ်ဒိဝဲဖဲအခံခိၣ်, စီၤမ---ဘၣ်ဒိဝဲဖဲအခၣ်ဒီးအစုလၢအထွဲတပၤ, နီၢ်လ---ဘၣ်ဒိဝဲဖဲအစုစ့ၣ်တပၤန့ၣ်လီၤ. အဝဲသ့ၣ် ခဲလၢာ်ဒိးန့ၢ်ဘၣ်ဝဲတၢ်ကူစါယါဘျါသးဖဲ KDHW လီၢ်ကဝီၤဆူၣ်ချ့ပှၤမၤတၢ်ဖိဖဲတၢ်ဟ့ၣ်ကသံၣ်ဒၢးလၢအဘၣ်တၢ်ဒုးအိၣ်ထီၣ် အီၤဖဲသဝီပူၤခီဖျိအဝဲသ့ၣ်တဘၣ်ဒိနးနးဘၣ်အဃိန့ၣ်လီၤ.

တၢ်စုလီၢ်ခီၣ်ခိၣ်ဒီးဆၣ်ဖိကီၢ်ဖိလၢတၢ်ဘုၣ်ဒၢတဖၣ်ဘၣ်ဒိဘၣ်ထံး

ခီဖျိလၢကဘီယူၤခးလီၤတၢ်အဃိ, တံဂ---ဒီးအဖိဒိၣ်မုၣ်လၢအမံၤမ့ၢ်နီၢ်က---ခံဂၤအံၤအဟံၣ်ဘၣ်ဟးဂီၤကွံာ်ဝဲခဲလၢာ်န့ၣ်လီၤ. ယါအ---အဟံၣ်စ့ၢ်ကီးဘၣ်ဟးဂီၤဝဲန့ၣ်လီၤ. လၢန့ၣ်အမဲာ်ညါသဝီဖိအဟံၣ် (၉) ဖျၢၣ်လၢအမ့ၢ်စီၤရ---, ယါည---, ယါထ---, စီးစ---, နီၢ်ပ---, စီၤဧ---, ယါဃ---ဒီးယါဒ---သ့ၣ်တဖၣ်အံၤဘၣ်ဒိဝဲလၢပယီၤသုးဟဲတ့ၢ်လီၤမ့ၣ်ပိၢ်အဃိန့ၣ်လီၤ.

ခီဖျိကဘီယူၤခးလီၤတၢ်အဃိ, မ့ၣ်ပိၢ်အက့ဘၣ်ဒိဝဲစီၤစ---အကျီၢ် (၃) ဒုအကျါခံဒုဘၣ်သံဝဲန့ၣ်လီၤ. ယါအ---အထီး (၃) ဒုဒီးထိၣ်ဒ့ၣ် (၂) ဘ့ၣ်ဘၣ်သံကွံာ်လၢကဘီယူၤခးလီၤတၢ်အဃိန့ၣ်လီၤ. စီၤဖ---အထွံၣ်တဒုဒီးသၣ်မံညီၤ (၂) ဒုဘၣ်သံဝဲလၢက ဘီယူၤခးလီၤတၢ်အဃိစ့ၢ်ကီးန့ၣ်လီၤ.

ဖဲပယီၤသုးကဘီယူၤဟဲခးလီၤတၢ်အဆၢကတီၢ်န့ၣ်, တၢ်ဒုးတၢ်ယၤဒီးသုးဖီၣ်စုကဝဲၤကရူၢ်တအိၣ်ဘူးဒီးသဝီဘၣ်ဒီးတအိၣ်စ့ၢ် ကီးဖဲသဝီပူၤဘၣ်န့ၣ်လီၤ. ဒူသဝီဖိသ့ၣ်တဖၣ်တဲစ့ၢ်ကီးဝဲလၢဖဲအပူၤကွံာ်န့ၣ်သုးဖီၣ်စုကဝဲၤကရူၢ်တဟးထီၣ်ဟးလီၤဖဲသဝီပူၤ ဘၣ်န့ၣ်လီၤ.

တၢ်ဘၣ်ဒိဘၣ်ထံးလၢပှၤတူၢ်ဘၣ်တၢ်အဟံၣ်ဖိဃီဖိဒီးသဝီဖိအဂၤတဖၣ်

ဖဲပယီၤသုးဟဲခးလီၤတၢ်ဒီးကဘီယူၤအဆၢကတီၢ်သဝီဖိသ့ၣ်တဖၣ်ပျံၤတၢ်ဖုးတၢ်ဒီးဖုးဘၣ်သးန့ၣ်လီၤ. လၢတၢ်န့ၣ်အဃိ [ဖဲက ဘီယူၤခးလီၤတၢ်ဝံၤအလီၢ်ခံ] သဝီဖိတနီၤလဲၤမံဝဲလၢအစံာ်ဒဲပူၤဖဲသဝီချၢဒီးတနီၤသုးလီၢ်သုးကျဲဆူထံခံကွာ်စိးန့ၣ်လီၤ. သဝီဖိ တနီၤလဲၤဆှၢဝဲပှၤဘၣ်ဒိသ့ၣ်တဖၣ်အံၤ [ဆူတၢ်ဆါဟံၣ်လၢတၢ်ကူစါယါဘျါသးအဂီၢ်], ဒီးသဝီဖိတနီၤလဲၤဒွဲၣ်အူကွံာ်ဝဲသဝီဖိ လၢအသံတဖၣ်အစိၣ်န့ၣ်လီၤ.

သဝီဖိလၢအအိၣ်ဖဲရန---သဝီဒီးအမံၤမ့ၢ်ဝဲနီၢ်ယ--- (သးနံၣ်အိၣ် (၃၅) နံၣ်) လၢအမ့ၢ်ပှၤတူၢ်ဘၣ်တၢ်အဘူးအတံၢ်တဂၤတဲဖျါ ထီၣ်ဝဲ“ယဘူးယတံၢ်တဖၣ်ဘၣ်ဒိဝဲလၢပယီၤသုးကဘီယူၤခးလီၤတၢ်အဃိလီၤ. သဝီဖိ (၃) ဂၤ [ဖိသၣ်] ဘၣ်သံကွံာ်ဖဲတၢ်ပျီပူၤ ဒီးခံဂၤအကျါသံကွံာ်ဝဲဖဲအဝဲသ့ၣ်လဲၤတုၤလၢတၢ်ဆါဟံၣ်ဝံၤအလီၢ်ခံလီၤ. ကညီပိာ်မုၣ်ကရၢ (KWO) ကတဲာ်ကတီၤတၢ်ဆီၣ်ထွဲ မၤစၢၤလၢပှၤသဝီဖိလၢအဘၣ်ဒိသ့ၣ်တဖၣ်အဂီၢ်လီၤ. ဘၣ်ဆၣ်ယတသ့ၣ်ညါဘၣ်မ့ၢ် (KWO) ကတဲာ်ကတီၤတၢ်ဆီၣ်ထွဲမၤစၢၤ လၢပှၤတူၢ်ဘၣ်တၢ်ဖိကိးဂၤဒဲးအဂီၢ်ဧါဘၣ်လီၤ. ပှၤတူၢ်ဘၣ်တၢ်ဖိသ့ၣ်တဖၣ်ဒိးန့ၢ်ဘၣ်စ့ၢ်ကီးတၢ်ဆီၣ်ထွဲမၤစၢၤလၢပှၤအသးအိၣ် မၤစၢၤအီၤတဖၣ်အအိၣ်လီၤ. ပှၤတနီၤနီၤမၤစၢၤဝဲ (၁၀၀,၀၀၀) ကၠးလီၤ. ဖဲကဘီယူၤခးလီၤတၢ်ဝံၤအလီၢ်ခံသဝီဖိသ့ၣ်တ ဖၣ်တူၢ်ဘၣ်ဝဲတပူၤဖျဲးလၢကအိၣ်လၢသဝီပူၤလၢၤဘၣ်. ဖိသၣ်စ့ၢ်ကီးပျံၤတၢ်ဖုးတၢ်လၢကလဲၤဆူကၠိလီၤ. ယဒီပုၢ်ဝဲၢ်မုၣ် [နီၢ်က---] အဟံၣ်ဖိဃီဖိ (၂) ဂၤ [နီၢ်ဝ---ဒီးစီၤဆ---]ဘၣ်သံကွံာ်, ယညါ [ယါဒ---]အဟံၣ်ဖိဃီဖိ (၂) ဂၤ [နီၢ်န---ဒီးနီၢ်ဘ---]ဘၣ်သံကွံာ် ဒီးစီၤသ--- [အနီၢ်ကစၢ်]ဒီးအဟံၣ်ဖိဃီဖိအကျါတဂၤဘၣ်သံကွံာ်လၢကဘီယူၤခးလီၤ တၢ်အဃိလီၤ. အဝဲ [စီၤသ---]အိၣ်ဒီး အဖါတံၢ်စီၤရ---လီၤ.” နီၢ်ယ--- တဲအါထီၣ်ကဒီးဝဲ “ယအဲၣ်ဒိးတဲဘၣ် KNU [ကညီဒီကလုာ်စၢဖှိၣ်ကရၢ] လၢကမၤဆူၣ်ထီၣ် ဒီးဟဲက့ၤစိာ်တၢ်မုၣ်တၢ်ခုၣ်ဆူပဟီၣ်ကဝီၤလီၤ. ပအိၣ်ဒံးအံၤတသ့ဘၣ်. ဆၢကတီၢ်ခဲအံၤပဘၣ်အိၣ်မူလၢတၢ်ပျံၤတၢ်ဖုးဒီးတၢ် ဘၣ်ယိၣ်ဘၣ်ဘှီအပူၤလီၤ. အဝဲသ့ၣ်မၤမုာ်မၤခုၣ်တၢ်လၢပဂီၢ်မ့ၣ်သ့န့ၣ်ပကသးဖှံလီၤ. ဆၢကတီၢ်ခဲအံၤသဝီဖိသ့ၣ်တဖၣ်တ အိၣ်လၢၤလၢသဝီပူၤနီတဂၤဘၣ်ဒီးသဝီဖိသ့ၣ်တဖၣ်ဘၣ်ပျံၤဘၣ်ဖုးတၢ်လီၤ. တနီၤဃ့ၢ်ဆူပှၢ်ပူၤ, တနီၤဆူသဝီဃၢၤဒီးတနီၤဃ့ၢ် ဆူတၢ်လီၢ်လၢအပူၤဖျဲးသ့ၣ်တဖၣ်လီၤ. ယအဲၣ်ဒိးတဲဘၣ်ပယီၤသုးခိၣ်နၢ်သ့ၣ်တဖၣ်လၢဝံ သးစူၤပတုာ်ကွံာ်တၢ်တ့ၢ်လီၤမ့ၣ်ပိၢ်လၢ ပဟီၣ်ကဝီၤပူၤလီၤ. ဝံသးစူၤဟ့ၣ်ပှၤတၢ်မုာ်တၢ်ခုၣ်. ပအိၣ်လၢတၢ်အိၣ်သးဒံးအံၤအဖီခိၣ်ယံာ်ယံာ်တန့ၢ်ဘၣ်. ပတူၢ်ဘၣ်ဆါဒိၣ် မးလၢပထံၣ်ဘၣ်ပဘူးပတံၢ်တဖၣ်ဘၣ်ဒိဘၣ်ထံးလီၤ. ယတနၢ်ပၢၢ်ဘၣ်လၢအဝဲသ့ၣ် တ့ၢ်လီၤပှၤလၢမ့ၣ်ပိၢ်လဲၣ်ဘၣ် လီၤ.”

စီၤရ---အမါလၢအမံၤမ့ၢ်ဒီၤယအ--- ( (၅၂) နံၣ်), အိၣ်ဟဲလၢကဘီယူၤပျီသဝီအံၤတဲဖျါထီၣ်ဝဲ “ကဘီယူၤခးလီၤတၢ်လၢယသ ဝီဒီးပှၤဘၣ်ဒိဝဲအါမးလီၤ. ယက့ၤလၢယသဝီတဘူၣ်လၢၤဘၣ်, ယမ့ၢ်ဆိမိၣ်ဘၣ်ဃးတၢ်အံၤ [ကဘီယူၤခးလီၤတၢ်]န့ၣ်, ယပျံၤ တၢ်နီၢ်ကီၢ်လီၤ. ယဖိဒိၣ်န့ၣ်ဘၣ်ကွဲးသးတဘျုးဘျီလံလီၤ. လၢကဘီယူၤခးလီၤတၢ်ဒ်အံၤအဃိယခိၣ်နူာ်တမၤတၢ်လၢၤဘၣ်. ဖဲယမ့ၢ်နၢ်ဟူသိ လ့ၣ်အကလုၢ်သီၣ်ဒၣ်လဲာ်, ယဆိမိၣ်လၢကဘီယူၤဒုးသုးလီၤ. ယသးတဒူလၢၤဘၣ်. ယဝၤအိၣ်လၢ တက---တၢ်ဆါဟံၣ်ဃုသီဝံၤဘၣ်တၢ်ဆှၢအီၤဆူပရ---တၢ်ဆါဟံၣ်ခီဖျိလၢအတၢ်အိၣ်သးနးဒိၣ်ထီၣ်အဃိလီၤ. ယလိၣ်ဘၣ်တၢ်မုာ်တၢ်ခုၣ် ဒီးယတလိၣ်ဘၣ်ကဘီယူၤခးလီၤတၢ်ဘၣ်. ယဝၤန့ၣ်ဘၣ်ဒိနးဒိၣ်မးဒီးအတၢ်ဘၣ်ဒိဘၣ်ထံးအံၤလၢာ်စ့အါမးလီၤ. လၢတၢ်န့ၣ် အဃိပှၤမ့ၢ်သးကညီၤပှၤ လၢအကသံၣ်ကသီအပှ့ၤန့ၣ်ပကသးခုဒိၣ်မးလီၤ.” [ပရ---တၢ်ဆါဟံၣ်အံၤအိၣ်သူၣ်လီၤအသးဖဲ ကီၢ်ကၠီၣ်တဲၣ်, တးကီၢ်ရ့ၣ်န့ၣ်လီၤ.]

ဆၢကတီၢ်ခဲအံၤ [လါအီးကထိဘၢၣ် ၁၇ သီ, ၂၀၂၅ နံၣ်], သဝီဖိအိၣ်လၢသဝီပူၤတဘူၣ်လၢၤဘၣ်အဝဲသ့ၣ်ခဲလၢာ်ဘၣ်ဃ့ၢ် ထီၣ်ကွံာ်ဝဲဒၣ်န့ၣ်လီၤ. ကၠိဖိသ့ၣ်တဖၣ်လဲၤလၢကၠိတသ့လၢၤဘၣ်ဒီးကၠိဖိမိၢ်ပၢ်စ့ၢ်ကီးပျဲအဖိလၢကလဲၤထီၣ်ကၠိတဘူၣ်လၢၤဘၣ် န့ၣ်လီၤ. လၢတၢ်ကဲထီၣ်သးဒ်အံၤအဃိ, ရန---သဝီအံၤဘၣ်ပတုာ်ကွံာ်သးန့ၣ်လီၤ. ကၠိအံၤဘၣ်တၢ်တီခိၣ်ရိၣ်မဲအီၤလၢ KECD [ကညီကူၣ်သ့ဆဲးလၤဝဲၤကျိၤ] န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

သဝီဖိ (၃) ဂၤပၣ်ဃုာ်ဒီးဒီၤ ယအ---, စီၤရ---လၢအမ့ၢ်ပှၤတူၢ်ဘၣ်တၢ်တဂၤအမါ, တံဂ---, သဝီဖိလၢအဘၣ်ဒိတဂၤအကျါဒီးနီၢ် ယ---, ပှၤတူၢ်ဘၣ်တၢ်အဘူးအတံၢ်တဂၤ [နီၢ်က---, နီၢ်ဝ---,စီၤဆ---, ယါဒ---, နီၢ်န---ဒီးနီၢ်ဘ--- ] သ့ၣ်တဖၣ်အံၤဟ့ၣ် KHRG တၢ်ပျဲလၢကရၤလီၤဝဲတၢ်ဂ့ၢ်တၢ်ကျိၤအံၤန့ၣ်လီၤ.